相信每個屋企都用過易潔鑊，因為佢真係超方便易用，唔生鏽、唔黐底，新手入廚都搞得掂。
易潔鍋可以做到不沾，原理就係喺鑊面噴一層塗層，阻隔食物同鐵鍋面直接接觸。市面大部份易潔鑊都係用PTFE(聚四氟乙烯，或者叫鐵氟龍)塗層。
消費者委員會都會定期測試市面上嘅易潔鑊同俾出建議，即睇以下幾點︰
- 易潔鑊嘅PTFE塗層標明不含PFOA即係無毒，但溫度上限係260°C，再高溫就會釋出有毒氣體及剝落，失去「不沾」效能
- 易潔鑊唔可以炸嘢，雖然炸物溫度喺260°C以下，但易潔鑊傳熱較遜色，要將爐具開到極高溫先到達油炸油溫，變相破壞塗層
- 絕不可用金屬餐具、鑊鏟接觸鑊面，塗層容易刮花剝落
真正物理不沾鍋︰鐵鍋
專家建議我哋要選擇安全，對健康有益嘅鍋具。鐵鍋一次性開鍋，表面隨住使用時間，會自然生成一層油膜，令立立嘅油光並唔係唔乾淨，反而係使用養護得好，產生不沾鍋嘅效果，用起嚟就同易潔鑊一樣感覺啦！
喺選擇鍋具之前，不妨多了解鍋具特性，選擇較耐用同安全嘅鐵鑊，開心煮食😄
(圖片︰Teflon、Natonal today、fongolicious、Klee、安妮戴)
