新年一於煮吓新菜式🌟金不換帶嚟嘅獨特香氣，配上淡奶陣陣奶香，菜名夠晒好聽又新穎嘅炒蝦呀😝而且材料又容易準備，忙碌嘅新年晚上都可以好快煮熟上菜呀～新一年，的確好煮意🎆！
【金不換奶油蝦🦐｜4人份量】
📌 材料
大蝦 8隻
洋蔥 ½個
紅椒 1個
麵粉 1湯匙
📌 調味料
指天椒 1隻
金不換 10片
淡奶 170ml
白酒 1湯匙
鹽 ¼茶匙
糖 ½茶匙
雞粉 1茶匙
牛油 15g
📜 製作步驟
1. 紅椒切細片、洋蔥切條、指天椒切碎。
2. 蝦洗淨後抹乾水，用剪刀從蝦背剪開一半，去腸。
3. 大蝦沾上麵粉，放入滾油中半煎炸熟，盛起瀝乾油份。
4. 開中小火，鍋內放入牛油，炒香洋蔥、指天椒及紅椒，然後倒入淡奶及金不換煮至濃稠。
5. 將蝦放入，加入鹽、糖、雞粉及白酒炒勻，將汁煮至濃稠，即成。
