蘑菇汁薯仔係一道超香口嘅西式美食。你喜愛嘅蔬菜、濃稠嘅奶油蘑菇汁🥛，味道一流。 呢個食譜作為配菜又得，作為素食餐又得🥗鐘意食肉嘅朋友🍗可以隨自己喜好加入雞肉、牛肉、豬肉🥩 簡單配搭，飽肚又易整😘
【香濃蘑菇汁伴薯仔🍄｜5人份量】
📌 材料
薯仔 約600g
蘑菇 約400g (切片)
紅蘿蔔 1條 (切絲)
洋蔥 ½個 (切碎)
蒜頭 3瓣 (切碎)
📌 調味料
橄欖油 2湯匙
無鹽植物牛油 35g
鹽 ½茶匙
黑胡椒 1茶匙
淡忌廉 375ml
📌 醃料
鹽 ½湯匙
📜 製作步驟
1. 薯仔去皮，切粒。加水量蓋過薯仔、½湯匙鹽，烚煮直至薯仔熟透。
2. 將薯仔撈出，瀝乾水份備用。
3. 用中火加熱炒鍋，加入橄欖油、無鹽牛油，放洋蔥翻炒大約1分鐘。
4. 加入蒜粒、紅蘿蔔絲、蘑菇片，繼續翻炒至所有食材熟透。
5. 加入淡忌廉、鹽、黑胡椒，將醬汁煮滾。
6. 加入薯仔，輕輕攪拌均勻，即成。
